't Mooswief

't Mooswief

Markt Mooswief Kachelpiepers
Boe kump ze eigelek vandan?
Greuntevrouwlui, de Mooswiever genump, brachde vreuger moos wat op 't land greujde nao de merret. De mooswiever kaome vaan St.Pieter. Dao waore ouch mooswiever die wat vaan aander plaotse aof kaome.
Wat veur 'n  historie heet 't Mooswief op de Merret?
In 1952 vörmde ziech e comité, wat ziech es doel stèlde um e monumint door Charles Vos te laote make vaan e typisch Mestreechse merretvruike. Daankzij de spontane mètwèrking vaan de merretbewoeners en merretverköpers waor 't al in 1953 meugelek um euver te goon tot plaotsing vaan 't monumint.

Wie gezag is 't Mooswief de patrones vaan de Mestreechter Vastelaovend door Prins Sjaak I in 1954 oonthölt. Edere zaoterdag véúr de Vastelaovend bringe de Tempeleers en zienen Hoeglöstegheid hulde aon 't Mooswief door 'ne krans vaan veers moos um de sjowwers te lègke.
Vaan 't steine beeld op de Merret heet me in de loup der jaore 'n póp gemaak die wat op Karnevalszoondeg, nao de èlf kenonssjeute, weurt opgehaange op 't Vriethof. Op Vastelaovendsdinsdag um twelf oor weurt eus Mooswief weer umlieg gehaold. Meinege Mestreech liet e träöntsje en geit nao hoes.
't Is sjoen gewees...Mooswief adie...tot de koumende Vastelaovend!