Kanselarijraod (Kara)

De taak vaan de kanselarijraod is um ziech bezeg te hawwe mèt allerhan vaan zakes die mèt protocol vaan doen höbbe. Take zien oonder aandere: De käös en 't speul roontelum de Stadsprins, Bewaking en regele vaan alle protocolaire zakes, Veurbereiing vaan diverse openbaar vergaderinge en bejeinkomste. De käös en oetvoering vaan de medaaljele en de jaorlekse medaaljelesjoor.

Tempeleers
Roland Dear (veurzitter), Jan Janssen, Frits Jongen (medaaljelesjatbewaorder en adj. Sikkertaris-Ginneraol), Luc Schoonbrood (Sikkertaris-Ginneraol), Norbert Frijns (sirremoniemeister), Jean-Louis Tuinstra en John Zeguers (Vice-Prizzedent).

Sjeffäör Prins
Nico Brennert

Sjeffäör Böskes
o.a. Peter van den Eerden.

't Is alweer 6 jaor geleie tot veer de kunssjèlder Jos Krebbeks benaoderd höbbe um de medaalje veur de Tempeleers te oontwerpe. Me had naomelek zien fantasierieke raomverseringe vaan de kaffees de Pieter, de Poort, Jacky en Lobina allang gespot, heer doog dit al sinds minseheugenis, en veer hoopde tot heer die kós vertaole in 'n medaalje. Mèt plezeer góng heer aon de slaag. Inmiddels heet heer 'rs al 14 aofgelieverd en ervare tot de lievertied aof en touw erg kort is, heer zit aof en touw flink te stresse umtot heer 'n full-time baon  es oontwerper bij  e reclaambureau heet.
Meh aongezeen heer, jaor in jaor oet, ederein gruuts de medaalje in oontvangs zuut numme, vint heer  't edere kier weer e genoege um ze te oontwerpe.