Particuleer actie

’ne Groete salu aon de vrun vaan de Mestreechter Vastelaovend!
Aofgeloupe naojaor waor ’t 6x11 jaor geleie tot de Tempeleers woorte opgeriech. Gein reie veur e groet fies meh wel ’n sjoen gelegeheid um de koumende vastelaovendstied mèt get extra’s op te pótse.
Genóg planne boe al, same mèt eus börgermètwèrkers, hel aon weurt getrokke, meh die veer zoonder eur hölp neet vaan de groond kinne kriege. 
Daorum dizze breef mèt ’nen oproop veur deilnaome aon eus “particuleer actie”. 

De bedoeling en d’n opzat vaan dees ” PARTICULEER ACTIE ”
is um neve de bestaonde financieel acties, boebij me moot dinke aon
de Industrie, Instèllinge, Gala Sponsoraovend , Sofa aon de Maos, Steunpilere, Middestand, Horeca en de annonces (Tempeleersgezèt), ouch Particulere, dat zeet geer dus, in de gelegeheid te stèlle um ’n financieel bijdraog te lievere aon de
“Mestreechter Vastelaovend”.
Daobij weurt eder bijdraog, groet of klein, bezunder op pries gestèld.
Wat doen de Tempeleers mèt eur bijdraog?
Zoeväöl meugelek sjieke en leuke Vastelaovendsactiviteite veur groet en klein organisere.
Wie nump me deil aon dees actie?
Particulere boevaan bekind is tot zie de Mestreechter Vastelaovend e good hart touwdrage , weure in de naoventrint vaan ’t  oetrope vaan de nuie Stadsprins, sjriftelek benaoderd mèt ’ne pepèrre  breef, dee geer noe in eur han hawt, en ’n accepgirokaart.

Bij wee kinne ouch aandere ziech opgeve of informatie kriege?
Veur informatie kint me terech bij Tempeleer John Zeguers vaan de Financieel Kemissie;  me kint häöm belle op nommer 043 – 3632144 of 0627369404
’t Baanknommer vaan de Stiechting de Tempeleers is 67 97 11 880 ING baank / 1192288 Posbaank o.v.v. Particuleer Actie 2012.

Mage veer uuch alvas hiel hartelek bedaanke en uuch ’n gooj gezoondheid winse, zoetot geer en veer euver e paar weke same kinne genete vaan ’ne sjoene, ’ne sjieke en ’ne propele Vastelaovend in de sjoen verseerde straote en sträötsjes vaan eus stad Mestreech!

Mestreech, jannewarie 2012
Mèt vrunteleke compleminte,
De Tempeleers Mestreech.