Ouch dit jaor perbere De Tempeleers met hölp vaan ’t Vastelaovendsvolk vaan Mestreech de financieel tuikes aonein te kriege. Daoveur zien ’n aontal acties georganiseerd. De Steunpilere zien ’n oonmisbaar oonderdeil. De Steunpilere-middag is op zoondag 5 fibberwarie in de Groete Sociëteit aon de Vriethof en begint um 14.11 oor. ’t Belaof ’ne gezèllege middag te weure oonder ’t genot vaan e klein hepke en drenkske en d’r is levende meziek. Um ziech aon te melle es Steunpileer meld uuch aon via 't formuleer sponsoring of via info@tempeleers.nl.
Wat zouw de Mestreechter Vastelaovend zien zoonder Steunpilere?
Dat is wie Abrams zoonder Look,
En wie Peper zoonder Kook.
Dat is wie 'ne Pómpe zoonder Meker,
En wie de Vèstrap zoonder Jeker.
Dat is wie e Koer zoonder Zaank,
En wie 'n Kèrrek zoonder Baank.
Dat is wie Bon zoonder Homme,
En wie 'n Moer zoonder Blòmme.
Dat is wie Mincke zoonder Leers,
En wie Droeve zoonder Peers.
Netuurlek wèlle veer veur uuch ouch get trökdoen, es daank veur eure steun.
Veer höbbe es kemissie neet stèl gezete en höbbe sjus wie veureg jaor in de Groote Sociëteit Maastricht, oppe Vriethof, de wierdege locatie gevoonde um uuch, es gewaardeerde Steunpileer, te ontvaange.
Veer dinke tot veer mèt de Groote Sociëteit Maastricht same ’t programma vaan de daag op ‘n sjieke meneer invölling goon geve en Uuch daomèt de aondach kinne geve die geer zier zeker verdeend. De Hoege Hoeglöstigheid zal netuurlek ouch zien opwachting maake.
Veer kinne daan hei same oonderein zien en ‘ns lekker klassjenere euver dee sjoene Mestreechter Vastelaovend. Dit alles oonder ’t motto vaan niks moot en bekans alles maag.
Veur gèt achtergroond meziek, door, inmiddels uzze eige, Roger Villevoye en welliech is ouch veur ’n verrassing gezörg en de veilingmeister zal zien bès doen um de sjèlderij good aon de maan te bringe.
Samengevat höbbe veer de volgende käösmeugelekhede veur uuch gearrangeerd:
-Geer kint de käös make um veur € 55,55 op zondag 5 fibberwarie, vaanaof 14.11 oor eur plaquèt op te hole in de Groote Sociëteit Maastricht en dao ‘n oongedwonge, gezèllege Mestreechter middag mèt te make.
-Mog geer, um welke reie daan ouch gaar neet in de gelegenheid op 5 fibberwarie, mer wèlt geer toch de Mestreechter Vastelaovend es Steunpileer steune veur € 55,55, daan sjikke veer uuch de plaquèt gere nao eur toesadres op.
Veer hope tot veer weer oet mage goon vaan eur, veur us zoe belangrieke en onmisbare steun es Steunpileer!
Op veurhand alvas ‘ne hiele groete, welgemeinde merci.
Naomens de Steunpilere Kemissie vaan De Tempeleers,
John Zeguers en Roland Dear