Het Momus-kenon

't Momus kenon

momuskanon
’t Momus kenon:
 
’t Momus kenon daank z’ne naom aon de aw Momus-sóssjeteit die, althans formeel, op 2 december 1840 is opgeriech.
Kiek ouch bij Momussóssjeteit.
’t Klein kanönsje, jummers erg groet is ’t neet, is meugelek gesjoonke door ein vaan de offecere die vaan dees societeit lid waore.
’t Ajdste beriech dateert oet 1841, wie in d’n aovend vaan  d’n 28e november de opening vaan ’t sóssjeteits-jaor mèt èlf sjeut woort ingeloujd.
Zoe wie dat gemeinlek in Mestreech mèt sjoen dinger geit woort ouch ‘t insjete geliek ’n traditie en rolde in de loup vaan de jaore bij hiel get importante gebäörtenisse minstens 11 en soms wel 4x11 sjeut euver de Vriethof.
Ein vaan die importante gebäörtenisse waor en is nog ummertouw ‘t “insjete” vaan de Vastelaovend op de Vriethof, boevaan de traditie noe al mie es zesteg jaor in han is vaan De Tempeleers.
De euverdrach vaan dees traditie gebäörde tijdens de groete installatiezitting vaan De Tempeleers op twie fibberwarie 1946, wie de lèste Momus, de sóssjeteit had nao hoonderd jaor de geis gegeve, ’t Momuskenon aon dees nui Stadsorganisatie kedo doog.
En zoe rolle, gans in de lijn vaan de aw Momus traditie, nog eder jaor mèt de Vastelaovend de 11 sjeut vaan dit kroenzjuwiel euver de Vriethof.

't Momuskanon

Momus kanon