Studente

Op 9 jannewarie 1976 teikende keuningin Juliana de opriechtingsoerkonde vaan de nui Rieksuniversiteit. Eindelek, nao väöl gedöld, had Mestreech ’t kroenzjuwiel dat in de koumende jaore ’n aw industriestad rezzeluut zouw verandere. Väöl aw gebouwe woorte betrokke door de universiteit, boedoor de bedaorde oetstraoling vaan de aw binnestad e stök esprit hervoond.
Väöl wiechteger evels waor de koms vaan die doezende studente die e pläötske binne de Mestreechse gemeinsjap mooste zien te vinde, die op häör beurt mós liere um ruimte te geve aon ‘ne gróp jongere, die wieneg of niks vaan ’t leve in Mestreech wiste of begrepe.

Me huurt wel ‘ns bewere tot ’t geveul veur Vastelaovend met de mojermèlk weurt ingegeve.
Stèl noe tot dat ouch zoe is, veur de  Mestreechteneer is dat ’n oetgemaakde zaak, daan zouw dat min of mie beteiken tot in de Vastelaovendsperiood ganse volksstamme in Mestreech ziech verlore zouwe loupe.

Veur aajd-journalis Huub Noten waor dat neet te proume.
Heer zeukde en voont ’n meneer um de studente die dao in geïntreresseerd waore bij de Vastelaovend te betrèkke. Neet ’t Mooswief, meh de wereldbereumde ‘hospita’ door de iewe heer d’n ingel-bewaorder vaan de studente, zouw häör pupèlle e pläötske bezörge in ’t Vastelaovends-gebäöre.

Door De Tempeleers is ’n groete póp gemaak die in presentie vaan alle sóssjeteite plechteg is geduip es “Vrouw Wielemösj”.
‘t Loot heet oets bepaold in wat veur volgorde de sóssjeteite tijdens ’t Vastelaovendssezoen euver Vrouw Wielemösj mote wake. De aander sóssjeteite mote probere Wielemösj in han te kriege, um häör veur väöl beer trök te geve, zoetot de rechmaotege bezitters vaan e bepaold jaor op carnavalszoondag met häör in de groeten optoch kinne proonke.
 
Op dees meneer is ’t gelök um Vastelaovend en de studente korter bijein te bringe.

Door 't organisere vaan 'n ludieke loterij oonder de Mestreechter studente-organisaties weurt de jaorlekse patroenage geregeld. De póp die " Vrouw Wielemösj" veurstèlt , weurt jaorleks op de Inkom getoend en in de Vastelaovendperiood mèt eineg sirremonieel euvergedrage.
Dees loting heet plaotsgevoonde vaan 2004 t/m 2010:
Voogd in 2004:      Amphytrion
Voogd in 2005:      Lagakari
Voogd in 2006:      Tragos
Voogd in 2007:      MDF
Voogd in 2008:      Saurus
Voogd in 2009:      Circumflex
Voogd in 2010:      Koko

Op 8 oktober 1951 woort studentevereineging Amphitryon opgeriech door vief studente vaan de Hoeg Hotèlsjaol Mestreech. Sinds deen daag zien veer verboonde aon de opleiing.
In eus 60-jaoreg bestoon is Amphitryon oetgegreujd tot de groetste HBO-vereineging vaan Nederland mèt ruim 7000 aajd-lede en ruim 750 zittende lede. Inmiddels is eus lustrum weer veurbij en zien veer ’t 60ste jaor Amphitryon fiestelek begós! De foto’s vaan d’n diamante zjubilei kinste hei vinde!

Studentevereineging Amphitryon en de Hoeg Hotèlsjaol Mestreech, al haos 60 jaor twie geziechter en ein eenheid in verboondeheid!

In 1982 woort ’t initiatief genome veur ’t op pu zètte vaan ’n studentevereineging veur hiere. De Mestreechse Hieresociëteit veur studente Tragos waor gebore. Nao e jaor woort gefuseerd mèt de Vrouweleke Studente Verineging Katzika en de Mestreechse Studente Vereineging Tragos waor e feit. In 1994 vestegde deM.S.V. Tragos z’ch in ’t “Fort Keuning Wöllem I”, ’n sociëteit die aonsloot bij de gruutde en ’t karakter vaan de vereineging. Tot op d’n daag vaan vendaog betrèkke veer dit sjitterend monumentaol pand. Actief weurt samegewèrk mèt versjeie studievereineginge, ’nen database mèt aw toetse aongelag is en väöl lede  z’ch individueel bezeg hawwe mèt de begeleiing vaan de ierstejaors.
Kortum, de M.S.V. Tragos is in korten tied oetgegreujd tot de mies complete en toenaongevende vereineging vaan Mestreech.

Saurus is ’n studentikoos roejvereineging, boe-in sportief en ambitieus lui same sporte en same feeste. Op eus Sociëteit hingk altied ’ne gooje sfeer en op de loods weurt in de zomer regelmaoteg de barbecue aongestoke. Via Saurus kumste bij väöl eveneminte in Mestreech en Nederland binne. Hei maakste snel nui vrun boemètste beveurbeeld dien team, verticaal, kemissie of genootsjap vörms.
Saurus beujt alle lede ’ne kans um neve hun studie en ’t roeje ouch aander ervaringe op te doen.

Saurus steit ouch bekind um de activiteit vaan häör lede boete de vereineging, zoe wie in universiteitsraode en de organisatie vaan d’n INKOM.
M.S.R.V. Saurus

Studentevereineging Circumflex is de ajdste, groetste traditioneel vereineging vaan Mestreech. Opgeriech in 1971 is zie mèt häör oondernummend karakter de vernuiende en bepaolende krach vaan de studentestad Mestreech. Door de jaore heen heet Circumflex studentestad Mestreech o.a. d’n INKOM gebrach, ’t ierste groet lustrum op ’n extern locate gegeve, ’ne landeleke dreidaogse Sociëteisdies InMosae boebij De Kaap eder jaor op oonnaovolgbaar wijs weurt umgetouverd in e bezunder thema, en vint häören intrej in häör monumentaol Sociëteit De Kaap op 100 meter aofstand vaan ’t Vriethof ’n vaste plek in ’t hertsje vaan Mestreech.

SV Circumflex maak ’t versjèl veur ’t actief studenteleve en lègk de basis veur ’ne sjoene en succesvollen tied zoewel binne es boete Mestreech.

SV Koko is ’n neet-traditioneel vereineging en weurt gekinmerk door geliekheid en diversiteit vaan lede. D’r is gein oontgroening e de kins invölling geve aon de lidmaotsjap op dien meneer. Dit maak Koko ’n hiel gezèllege vereineging, boeste d’ch op väöl menere neve d’n studie kins oontploeje. Dink beveurbeeld aon ’n dispuut of jaorclub boeste vrun veur ’t leve maaks en sjoen aovende aon de bar beleefs, oonder ’t genot vaan ’t goojekoupste pèlske vaan Mestreech! Of gaank bij ’n kemissie um d’n organisatorische vierdeghede aon te sjerpe en oonvergeteleke activiteite deneer te zètte.

Este ’n actiever studenteleve wèls kinste mètdoen aon de sportactiviteite vaan Koko ’t gans jaor door. Ouch cultuur is ’ne belangrieke pijler vaan Koko. Gans ’t jaor door organiseert eus Cultureel Kemissie väöl versjeie activiteite en eus jaor weurt aofgeslote mèt ’t groet BAM! festival.
Dus este de gezèllegste studententied vaan de leve wèls höbbe en d’ch wèls oontwikkele neve d’n studie is d’r eigelek mer eín optie: SV Koko !