Mestreechter Vastelaovendsvrund

De Mestreechter Vastelaovend weurt op hiel väöl versjèllende menere gevierd. Um dit fies springlevend te hawwe zien same mèt De Tempeleers eder jaor weer miejer es 150 vrijwèllegers actief veur de Mestreechter Vastelaovend, Dao zien veer es Tempeleers oontzèttend gruuts op. Hun betrokkeheid zörg deveur tot vastelaovendvierend Mestreech oontzèttend väöl plezeer beleef aon ’t fees. Neet ederein kint dees betrokkeheid tuine in de vörm vaan ’t organisere en begeleie vaan activiteite. Meh geer kint ouch op ’n aander meneer betrokke zien beveurbeeld door ’t bezeuke vaan de eveneminte en noe ouch door Vastelaovendsvrund te weure.

Geer zeet al Vastelaovendsvrund vaanaof € 3,33 per maond (veur minimaol 12 maond).  

G’r höb de käös oet de volgende pakkètte:  

Vastelaovendsvrund Roed G’r krijg:- e speciaol Vastelaovendsvrundspengske- minimaol 6x per jaor ‘nen digitaole nuitsbreef - ‘t tempeleersjaorverslaag, ‘t  program, ‘t CV vaan zienen Hoegen Hoeglöstegheid en ‘t Magazine “D’n Tempeleer” digitaol ter besjikking- ’n invitatie veur de ‘Meet & greet’-aovend incl. vastelaovendslezing/workshop.	€ 3,33 per maond
Vastelaovendsvrund Geel G’r krijg ‘tzelfde pakkèt es bij Vastelaovendsvrund Roed. Dit pakkèt weurt aongevöld mèt ’n steunpilereplaquèt die op ‘ne fiesteleke middag weurt oetgereik. Geer krijg heiveur ‘n invitatie.	€ 7,77 per maond
Vastelaovendsvrund Greun: G’r krijg ‘tzelfde pakkèt es bij Vastelaovendsvrund Geel. Dit pakkèt weurt aongevöld mèt 2 kaarten veur Kaffee “de Zeuten Inval”.	€ 9,99 per maond

Geer kint uuch aonmelle via oonderstaonde formeleer!

1. Door oonderteikening vaan dit formeleer, gef geer towstumming aon de Stichting de Tempeleers um doorloupende incasso-opdrachte te sjikke nao eur baank um e bedraag vaan eur rekening aof te sjrieve en aon eur baank um doorloupend e bedraag vaan eur rekening aof te sjrieve euvereinkomstig de opdrach aan de Stichting de Tempeleers in verband mèt de Mestreechter Vastelaovendsvrund. Es geer’t neet ins zeet mèt dees aofsjreiving kint geer dees laote trökboke. Nump heiveur binne ach weke nao aofsjreiving kontak op mèt eur baank. Vraog eur baank nao de veurwaarde. 
2. D'n incasso weurt maondeleks oetgeveurd, boebij d’n iersten incasso plaotsvint nao oontvaangs vaan ’t formuleer.
3. Opzègking vaan ’t lidmaotsjap kint sjriftelek of per e-mail gebäöre (o.vandeberg@tempeleers.nl). Bij oontvaangs vaan de berichtgeving zal d’n otomatoschen incasso stopgezat weure. Geer krijg heivaan ’n bevesteging vaan us.
4. Opzègkinge dene uterlek 10 wèrkdaog veur d’n iervolgende geplanden incassodaotum bij us binne te zien. Es later weurt opgezag is ’t volledeg bedraag vaan dee maond nog versjöldeg. Opzègkinge nao d’n incassodaotum leie derhalve neet tot restitutie vaan ’t al geïnd bedraag.
5. Binne 8 weke nao incasso vaan ’t bedraag heet me de meugelekheid um d’n incasso trök te drejje. Me deent heiveur kontak op te numme mèt zien eige baank.