Leef Vastelaovendsvrun, 

Kaffee de Zeuten Inval, boe veer de aofgeloupe jaore eus zittinge höbbe laote plaotsvinde, zal in 2010 häör deure opene op ’n nui lokatie, naomelek in de Maastricht Music Hall of te wel in gewoen Mestreechs “de Platte Zaol”.
De lokatie Festi-Village is neet mie ter besjikking. Dit beteikende tot ’n  nui plaots mós weurde gezeuk  die  gevoonde is in de Platte Zaol.
De oetbaters vaan de kaffee in de Festi-Village, Mao en Truus Willems, höbbe hunne kaffee te koup aongeboje. Zie goon genete vaan hun VUT leeftied en beperke hun speul op de bühne.  Evels Truus is kraank en daodoor zalle zie dit jaor neet mèt speule. Es de gezoondheid vaan Truus ´t touw liet, zalle ze mèt väöl plezeer hun vertrouwde klante in ´t nui tejaterkaffee treffe.
Geer zalt begriepe, tot zoene good loupende kaffee in Mestreech good in de merret ligk.
De nui oetbaters, Loes Hermans en Math Haaken (alias Lisa en Zjèr Schnepvengers), höbbe ziech al gaw aongedeend en ’n optie genome. De heropening vaan de kaffee door hun zal oetindelek zie beslaag kriege op vriedag 22 jannewarie 2010.

                                                                  
Geer zalt begriepe, tot de nui oetbaters d’r op gebrand zalle zien, um ’n spetterende opening vaan hun nui  ………….
 ”Tejaterkaffee de Zeuten Inval”  te realisere.
Laot uuch verrasse. 
’t Maag dudelek zien: de opening vaan ’n nui zaak deiste mèr op einen daag. Dat beteikent, tot dit jaor  e bezeuk aon Tejaterkaffee de Zeuten Inval allein meugelek is op vriedag 22 jannewarie 2010.

                      “ Tejaterkaffee de Zeuten Inval ”    
                      Vriedag 22 jannewarie vaanaof 20.00 oor. 
                                
Op vriedagmiddag 22 jannewarie um 13.00 oor weurt dezelfde zitting ouch opgeveurd meh daan veur d’n doelgróp vaan Trajekt. Kaarte veur dees zitting zien (ouch vaanaof 11 november) allein via Trajekt bij mw. Marion de Bont te bestèlle. (Capucijnenstraat 43, 6211 RP Maastricht, til: 043-3288588).

Tot zeens in “Tejaterkaffee de Zeuten Inval”